Комплаенс

 «Түркістан БГҚ» ЖШС өз беделін жоғары ұстау мақсатында мекеме қызметкерлері, лауазымды тұлғалары мен мердігерлері тарапынан ашықтық және адалдық қағидаттарын ұстанып, этикалық стандарттар мен корпоративтік мәдениеттің сақталуыын талап етеді.

Осы мақсаттарда «Түркістан БГҚ» ЖШС өз қызметкерлері арасында сыбайлас жемқорлыққа қарсы мәдениетті қалыптастыру жөніндегі шаралар кешенін әзірледі. Сыбайлас жемқорлыққа және алаяқтыққа қарсы саясатты қабылдады.

«Түркістан БГҚ» ЖШС заңнамасын және Корпоративтік этика кодексін бұзушылықтарды, оның ішінде алаяқтық, сыбайлас жемқорлық, кемсітушілік, әдепсіз мінез-құлық және басқа да бұзушылықтарды уақтылы анықтау және алдын алу үшін сенім телефоны жұмыс істейді.

«Түркістан БГҚ» ЖШС-ның сыбайлас жемқорлыққа және алаяқтыққа қарсы саясатына сәйкес, Сіз қолданыстағы заңнаманың кез келген нақты немесе күдікті бұзушылықтары, ұрлық, алаяқтық, сыбайлас жемқорлық фактілері және бизнесті жүргізудің негізгі қағидаттарының немесе Корпоративтік этика кодексінің басқа да бұзушылықтары туралы хабарлай аласыз

• төмендегі «Хабар қалдыру» түймесін басу арқылы;

• mail@sk-hotline.kz электрондық поштасына хабарлама жіберу арқылы;

• 8 800 080 47 47 телефоны арқылы;

• WhatsApp 8 771 191 88 16;

• www.sk-hotline.kz сайтына

Барлық хабарламаларды тәуелсіз компания қабылдайды және өңдейді.

Сенім телефонына түскен хабарламалар «Түркістан БГҚ» ЖШС комплаенс қызметкеріне беріледі. Хабарламаны мүмкіндігінше тиімді өңдеу үшін Сізден байланыс ақпараттарыңызды қалдыру сұралады, бірақ сіз анонимді хабарлама да қалдыра аласыз.

Сенім телефоны «Түркістан БГҚ» ЖШС қызметкерлеріне, сондай-ақ өнім жеткізушілер мен серіктестерге қолжетімді.

Ынтымақтастық үшін Сіздерге алғысымызды білдіреміз!

Комплаенс-офицер - Комплаенс-офицер туралы ережеге сәйкес Қазақстан Республикасының сыбайлас жемқорлыққа қарсы заңнамасының сақталуын қамтамасыз ететін, сыбайлас жемқорлыққа қарсы іс-қимыл мәселелері бойынша саясатты айқындайтын, сыбайлас жемқорлыққа қарсы іс-қимыл жөніндегі іс-шаралардың іске асырылуын бақылайтын, сондай-ақ ашықтық пен адалдық негізінде ішкі корпоративтік мәдениетті қалыптастыруды, бизнесті Қазақстан Республикасының заңнамасына, халықаралық озық тәжірибелерге және Серіктестіктің ішкі нормативтік құжаттарына сәйкес жүргізуді қамтамасыз ететін Серіктестік жұмыскері болып табылады.

Сарсенбаев Нұржан Асанұлы 

«Түркістан БГҚ» ЖШС комплаенс-офицері

Туған күні: 22.01.1978 ж.
Азаматтығы: Қазақстан Республикасы

Білімі:
1997 ж. - ҚР ІІМ Шымкент заң колледжі;
2001 ж. - ҚР ІІМ Қостанай заң институты, мамандығы: «Құқық қорғау қызметі», «Заңгер-құқықтанушы»;
2009 ж. - РФ Президенті жанындағы Ресей халық шаруашылығы және мемлекеттік қызмет академиясы (магистратура), құқықтану магистрі.

Соңғы 5 жылдағы жұмыс тәжірибесі (соның ішінде басшылық лауазымдарда):

2026 ж. қаңтардан бастап қазіргі уақытқа дейін - «Түркістан БГҚ» ЖШС комплаенс-офицері;
2023 – 2025 жж. - ҚР Сыбайлас жемқорлыққа қарсы іс-қимыл агенттігінің Жамбыл облысы бойынша департаменті Анықтау және жолын кесу басқармасының бюджеттік саладағы сыбайлас жемқорлық құқық бұзушылықтарды анықтау жөніндегі аса маңызды істер жөніндегі офицері;
2021 – 2023 жж. - ҚР Сыбайлас жемқорлыққа қарсы іс-қимыл қызметінің Түркістан облысы бойынша сыбайлас жемқорлық істерінің алдын алу және ашу жөніндегі жедел басқармасының басшысы;
2019 – 2021 жж. - Шымкент қаласы прокуратурасының жедел-іздестіру қызметі мен жасырын тергеу амалдарының заңдылығын қадағалау басқармасының аға прокуроры; Шымкент қаласы Еңбекші ауданы прокуратурасының аға прокуроры; Шымкент қаласы прокурорының аға көмекшісі.

«Сыбайлас жемқорлыққа қарсы іс-қимыл туралы» ҚР Заңына сәйкес ашылатын 2024 жылғы мәліметтер: