«Түркістан БГҚ» алаңында құрылыстың негізгі учаскелері бойынша тапсырмалардың орындалуы тексерілді

«Түркістан БГҚ» ЖШС Басқарма төрағасы Ұлан Бүркітов қуаты 1000 МВт электр станциясының құрылыс алаңында Integra Construction KZ, Doosan Enerbility және жобаның өзге де қатысушыларының өкілдері қатысқан өндірістік кеңес өткізді. Кездесудің негізгі тақырыбы - бас мердігер мен мердігер ұйымдар тарапынан бұған дейін берілген тапсырмалардың орындалуын тексеру болды. Кеңеске қатысушылар жұмыстардың нақты барысын, учаскелердің персонал және техникамен қамтамасыз етілуін, сондай-ақ құрылыстың жалпы кестесін сақтау үшін қажетті шараларды қарастырды. 

Бас корпусқа ерекше назар аударылды: темірбетон конструкцияларын тұрғызу бөлімі бойынша жұмыстардың 91,6% орындалған. Сонымен қатар бу турбиналарын монтаждауға арналған іргетасты дайындау барысы және №1 газ турбинасын іске қосуға дайындыққа қатысты іс-шаралар қаралды.Кеңес қорытындысы бойынша мердігер ұйымдарға жұмысшылар мен инженерлік-техникалық персоналды жұмылдыруды күшейту, сондай-ақ жекелеген учаскелерді қажетті құрылыс техникасымен қосымша қамтамасыз ету тапсырылды.