Астана–Қарамұрт: 15 наурыздағы алдағы референдум бойынша онлайн-талқылау

«Түркістан БГҚ» ЖШС ұжымы «Samruk-Kazyna Construction» АҚ әріптестерімен онлайн форматта жаңа Конституция жобасының ережелерін талқылады. Басқарушы компанияның Астана қаласындағы офисінде 2026 жылғы 15 наурызға белгіленген алдағы республикалық референдумға арналған отырыс өтті.

«Түркістан БГҚ» ЖШС қызметкерлері бейнебайланыс арқылы қосылды: Шымкент қаласындағы әкімшілік блок – компания офисінен, Басқарма төрағасы Ұлан Бүркітовтің жетекшілігімен; ал өндірістік персонал – Түркістан облысы, Қарамұрт ауылындағы құрылыс алаңынан, Басқарма төрағасының Бірінші орынбасары Әбдукерім Аршамовтың жетекшілігімен. Сондай-ақ онлайн форматта «Samruk-Kazyna Construction» АҚ-ның өзге де ведомстволық ұйымдары мен өңірлік бөлімшелері қатысты.

Талқылау барысында «Samruk-Kazyna Construction» АҚ Басқарма төрағасы Маулен Айманбетов Конституция жобасының негізгі ережелерін атап өтті. Оның ішінде бір палаталы Парламент - Құрылтай құру жөніндегі ұсыныстар және жаңа консультативтік орган - «Қазақстан Халық Кеңесін» құру бастамасы айтылды. SKC заңгерлері құқықтық түсіндірмелер беріп, қатысушылардың сұрақтарына «сұрақ-жауап» форматында жауап қайтарды. Бұдан бөлек, референдумға шығарылатын жобаның өзге де нормалары, соның ішінде Вице-президент институты және азаматтардың өтініш беру мүмкіндігі қарастырылған Конституциялық Сот мәселелері талқыланды.

Айта кетейік, бұған дейін 27 ақпанда «Түркістан БГҚ» ЖШС басшылығы ұжыммен кездесу өткізіп, компания заңгерлері қызметкерлерді ұсынылып отырған Конституциялық өзгерістермен және олардың алдағы ықтимал әсерімен алдын ала таныстырған болатын.