Бірінші энергоблоктың қалдық жылу қазандығын монтаждауға дайындық басталды

«Түркістан БГҚ» ЖШС құрылыс алаңында бірінші энергоблоктың қалдық жылу қазандығын монтаждауға дайындық жұмыстары басталды. Жұмыстардың барысын «Түркістан БГҚ» ЖШС Басқарма төрағасы Ұлан Бүркітов бас мердігер консорциумының өкілдерімен - Integra Construction KZ және Doosan Enerbility - бірлесіп инспекциялады.

Көшпелі кеңес және алаңды аралау барысында негізгі салынып жатқан нысандар қаралды. Оның ішінде электрқалқан ғимараты, қалдық жылу қазандығын орнату алаңы, ауа арқылы салқындатылатын конденсаторлық қондырғы және оперативтік басқару пункті бар. Сонымен қатар 220 және 500 кВ тарату құрылғыларының, су дайындау жүйелерінің, газ қабылдау инфрақұрылымының, сорғы станциялары мен өртке қарсы кешендердің құрылысы қатар жүргізілуде.

Сондай-ақ жобаның жинақталған S-қисығы өзектендірілді - бұл құрылыс-монтаж жұмыстарының жинақталған прогресін тіркеп, кестенің сақталуын бақылауға мүмкіндік беретін құрал. Қуатты желіге беру мәселелері бойынша магистральдық электр беру желілеріне станцияны қосудың оңтайлы нұсқаларын айқындау мақсатында KEGOC компаниясымен өзара іс-қимыл жүргізілуде.