Газға көшірілген электр станциялар үшін кадрларды даярлау

«АлЭС» АҚ-да газға көшірілген электр станцияларын пайдалану үшін кадрларды даярлау мәселесі бойынша жұмыс кеңесі өтті. Кеңеске «АлЭС» АҚ қызметкерлерімен қатар «БГҚ Түркістан» ЖШС, Siemens Energy және Ғ. Дәукеев атындағы Алматы энергетика және байланыс университетінің (АЭжБУ) өкілдері қатысты.

Siemens Energy компаниясының Power Academy мамандары Omnivise T3000 жүйесіне негізделген инновациялық оқыту бағдарламаларын таныстырды. Бұл бағдарламалар базалық курстармен қатар, 3D-визуализация, қашықтан оқыту сияқты заманауи технологияларды қамтиды.

Атап айтқанда, төтенше жағдайларды қоса алғанда, түрлі сценарийлерде персоналдың әрекеттерін модельдеуге және пысықтауға мүмкіндік беретін цифрлық тренажер ұсынылды.

Белгілі болғандай, «БГҚ Түркістан» ЖШС бу-газ қондырғысы (БГҚ) негізінде электр станциясын салу жобасын іске асыруда. Ал «Алматы электр станциялары» (АлЭС) ЖЭО-2 мен ЖЭО-3-ті көмірден газға көшіруде, онда Siemens Energy өндірген газ турбиналары қолданылатын болады.

Фото: «АлЭС» АҚ