Кедендік тазартудан ағылшын құқығына дейін: «Түркістан БГҚ» - кәсіби дағдыларды қалай арттырады

Түркістан облысында бүгінде қуаты 1000 Мвт дейінгі бу-газ электр станциясы салынуда. Бұл аймақтағы ең ірі инвестициялық жоба және оны сәтті жүзеге асыру көбінесе кәсіби мамандар тобының сауатты және тиімді жұмысына байланысты. Бұл салада мамандар Қазақстандағы BIG4 қатысушыларынан білім алады.

«Түркістан БГҚ» ЖШС-нің 50-ден астам қызметкері 2024 жылдың басынан бері компания қызметінің негізгі бағыттары бойынша оқудан өтті. Кәсіби дағдыларды арттыру ағылшын құқығы, логистика және кедендік тазарту, жобаларды басқару және тәуекелдерді басқару, бу-газ қондырғысы сияқты салаларды қамтыды.

 «Түркістан БГҚ» ЖШС логистика қызметінің басшысы Дәулет Рахимов пен оның инженер-әріптестері үшін құзыреттілікті арттыру, жабдықты жеткізудің тиімділігі мен сенімділігіне тікелей байланысты. Сондықтан оқу бағдарламасы ағымдағы жобаның ерекшелігіне бейімделген жобалық логистика және кедендік рәсімдер бойынша курстарды қамтыды.

 «Жобалық» логистика және кедендік рәсімдер бойынша біліктілікті арттыру курстарын оқыту үшін белгілі бір тақырыптарды қарастырады. Біз сәл өзгеше жолмен жүріп, технологиялық жабдықтың ірі және ауыр салмақты компоненттерін жеткізу бойынша сарапшылармен жобалық логистика және кедендік рәсімдер бойынша нақты кейстерді талдадық. Оқытудың стандартты емес тәсілі бізге жобаның ерте сатысында жүктің тоқтап қалу, кідіріс және бүліну қаупін азайту үшін қабылдануы қажет шараларды анықтауға мүмкіндік берді», - деп атап өтті Дәулет Рахимов.

 «Түркістан БГҚ» инженерлері әлемдегі қазіргі геосаяси жағдайды қоса алғанда, барлық аспектілерді ескере отырып, оңтайлы маршруттарды есептеу және технологияларды жеткізуді жоспарлау әдістерін жетілдіруде. Құрылыс жобаларын басқару менеджменттің негізгі дағдыларын ғана емес, сонымен қатар қоршаған ортаны үнемі бақылауды қажет етеді. Бұл жобаның өмірлік циклі бойына адами және материалдық ресурстарды бақылау өнері.

 «The Griffin Tate Group» негізін қалаушы айтқан екен: жобаларды басқарусыз жобаларды басқаруға тырысу, ойын жоспарынсыз футбол ойнауға тырысу сияқты", – деді жетекші инженер, №3 ұшыру кешенінің жетекшісі Нұрлан Омаров. – «Өз жұмысында жоспарлау мен бюджеттеуден бастап іске асыру мен есеп беруге дейінгі көптеген міндеттерді тиімді үйлестіруге мүмкіндік беретін процестерді оңтайландыру және уақытты басқару әдістерін қолдана бастадым».

«Түркістан БГҚ» ЖШС тәуекел басқару қызыметкері Мұхамеджанов Біржан «Ішкі бақылау: теория және практика негіздері»- тақырыбындағы тренингке қатысты. Тренингте COSO моделінің «ішкі бақылау» компоненттері, бизнес-процестер бойынша бақылау процедураларын сәйкестендіру, сондай-ақ IT жүйесіндегі бизнес пен бақылау мақсаттары арасындағы байланыс сияқты тақырыптар қарастырылды.

 «Оқыту менің ішкі бақылау саласындағы білімімді кеңейтуге және кәсіби дағдыларымды арттыруға мүмкіндік берді, бұл болашақта тәуекел-менеджмент саласындағы тиімді жұмысқа ықпал етеді», - деді Біржан Мұхамеджанов.

 Түркістан БГҚ-да қызметкерлерді оқыту, олардың негізгі салалардағы құзыреттерін арттыру компания жұмысының жалпы тиімділігіне әсер етеді деп күтілуде.

«Біздің жоба Siemens, Doosan Skoda Power, Nooter Eriksen жетекші инженерлерімен тығыз жұмыс істеуді білдіреді. Әрине, бұл жұмыс келісімшарттармен байланысты, сондықтан біздің заңгерлер ағылшын құқығы саласындағы өз құзыреттерін арттырады, ал инженерлер БГҚ-на ұқсас құрылғыларды мұқият зерттейді. Жалпы, әлемдік өндірушілермен бірлесіп жұмыс істеу-біздің мамандар үшін жақсы тәжірибе алмасу. Біздің қызметкерлердің жартысынан көбі биылғы жылы біліктілікті арттыру курстарынан өтті және бұл жұмыс жалғасуда», - деп атап өтті Адам ресурстарын басқару департаментінің директоры Азат Маударбеков.

 Түркістан БГҚ қызметкерлерінің біліктілігін арттыру-компанияның стратегиялық мақсаттарына қол жеткізудің негізгі қадамдарының бірі. Бұл білім беру бастамалары қызметкерлерінің кәсіби дамуына ғана емес, сонымен қатар компанияның жалпы тиімділігі мен тұрақтылығына ықпал етеді.