Ұлан Бүркітов: «Біздің міндет – қарқынды сақтап, жобаны уақытында аяқтау»

2026 жылғы 20 ақпанда «Түркістан БГҚ» ЖШС Басқарма төрағасы Ұлан Бүркітов мердігер ұйымдардың - Integra Construction KZ және Doosan Enerbility – өкілдерімен бірге қуаты 1000 МВт бу мен газ қондырғысы нысанының құрылыс алаңында көшпелі кеңес өткізіп, инспекциялық тексеріс жүргізді.

Сапардың негізгі мақсаты - апталық міндеттемелерді «жоспар–факт» форматында салыстырып, жобаның сыни жолы (critical path) бойынша жұмыстардың орындалуын тексеру (яғни станцияны пайдалануға беру мерзіміне тікелей әсер ететін міндеттер).

Бас корпуста КЖ (темірбетон конструкциялары) бөлімі бойынша жұмыстардың 91,6%-ы орындалды. Қазір нысанда кері үйінді, арматуралау және іргетастарды бетондау, сондай-ақ қабырғалар мен колонналар бойынша жұмыстар жалғасуда.

Қатысушылар әкімшілік–тұрмыстық корпустың құрылысы қалай жүріп жатқанын да жеке қарап шықты: болашақ қабаттардың деңгейлері бойынша жүріп өтіп, жұмыстарды ұйымдастыруды және алаңдағы нақты қарқынды бағалады.

Кеңес қорытындысында команда алдағы аптаға басымдықтарды нақтылап, мердігер ұйымдардың әрекеттерін синхрондады. Ұлан Бүркітов кестеден ауытқуға болмайтынын атап өтті:

«Белгіленген мерзімде жобаны аяқтаудан басқа нұсқа жоқ. Біздің міндет – қарқынды сақтап, үйлестіруді күшейтіп, жобаны уақытында аяқтау».

Аралау барысында қатысушылар сыни жолдың станцияны пайдалануға беру мерзіміне тікелей ықпал ететін негізгі нүктелерін де қарап, орындалған жұмыстардың нақты көлемін бекітілген кестемен салыстырды.