Сыни жолды бақылау: «Түркістан БГҚ» ЖШС басшылығы жұмыстардың орындалу барысын тексерді

«Түркістан БГҚ» ЖШС Басқарма төрағасы Ұлан Бүркітов бас мердігер консорциумының өкілдерімен - Integra Construction KZ және Doosan Enerbility компанияларымен бірге - 1000 МВт қуаттағы электр станциясының құрылыс алаңында көшпелі кеңес өткізіп, инспекциялық тексеріс жүргізді.  Көшпелі кеңестің негізгі мақсаты - апталық міндеттемелердің орындалуын «жоспар–факт» форматында салыстырып, жобаның сыни жолындағы жұмыстарды (жобаның жалпы кестесіне тікелей әсер ететін жұмыстар) бақылау.

Алаңды аралау барысында қатысушылар станцияны пайдалануға берудің мерзіміне тікелей ықпал ететін сыни жолдың негізгі нысандарын қарап шығып, құрылыс-монтаж жұмыстарының нақты көлемін бекітілген кестемен салыстырды. Ашық тарату құрылғысына (ОРУ/ашық тарату құрылғысы - АТҚ) ерекше назар аударылды: бұл жерде төрт трансформатор орнатылған. Порталдарды монтаждау және қуатты шығару схемасын одан әрі қалыптастыру жұмыстары жүргізілуде. 

Қорытындылай келе, Ұлан Бүркітов құрылыс қарқынын сақтау және кестені қатаң ұстану қажеттігін атап өтті: «Жоба Түркістан облысының Сайрам ауданында – өңірдің негізгі индустриялық орталықтарының бірінде – іске асырылуда. Мұнда сенімді электрмен жабдықтау өнеркәсіптің, шағын және орта бизнестің және агросектордың өсуі үшін қажет. Біздің міндет - жұмыс қарқынын сақтап, қуатты белгіленген мерзімде пайдалануға беру арқылы Түркістан облысы мен Шымкент қаласындағы электр энергиясы тапшылығын төмендетуге үлес қосу».

Сондай-ақ жиынға қатысушылар бас корпусты және өзге де өндірістік учаскелерді аралады. Инспекция қорытындысы бойынша кеңесте бұрын қабылданған шешімдер мен олардың алаңдағы нақты орындалуы салыстырылды. Қуаты 1000 МВт бу мен газ электр станциясын салу жобасы Түркістан облысы мен Шымкент қаласының энергия қауіпсіздігін күшейту мақсатында іске асырылуда. Алаңды тұрақты инспекциялау және «жоспар–факт» форматы ауытқуларды жедел анықтауға және басқарушылық шешімдерді уақтылы қабылдауға мүмкіндік береді.