«Түркістан БГҚ» алаңында ӘТК фасадтары монтаждалып, бірінші энергоблок әрлеу жұмыстарына дайындалуда

«Түркістан БГҚ» ЖШС басшылығы Басқарма төрағасы Ұлан Бүркітовтің жетекшілігімен қуаты 1000 МВт болатын бу мен газ электр станциясының құрылыс алаңын проинспекциялады. Өндірістік аралауға жобаның бас мердігерлері - Doosan Enerbility және Integra Construction KZ компанияларының өкілдері қатысты. Инспекцияның негізгі мақсаты - учаскелердегі нақты ілгерілеуді бағалау және алдағы іс-қимылды үйлестіру.

Қазіргі уақытта ауқымды құрылыс-монтаж жұмыстары әкімшілік-тұрмыстық кешенде және бас корпуста шоғырланған. Жалпы ауданы 18 675 шаршы метр болатын әкімшілік-тұрмыстық кешенде құрылысшылар ішкі әрлеу жұмыстарын жүргізіп, инженерлік желілерді қатар монтаждауда. Ғимарат ішінде кафель төселіп, қабырғалар боялып, фальшполдар мен аспалы төбелер жиналуда. Сыртқы бөлігінде фасадтың фиброцемент панельдері және кіреберіс топтың витражды әйнектері орнатылуда. Шатырда гидрооқшаулаудың екінші қабаты төселіп, жарықтандыру, бейнебақылау және өрт дабылы жүйелерінің кабельдері тартылуда.

Бас корпуста негізгі назар екі энергоблоктың технологиялық жүйелеріне аударылды. Бірінші энергоблокта жұмысшылар электрқалқан ғимаратында қабырғалық сэндвич-панельдерді орнатып жатыр - үй-жай ішкі әрлеу жұмыстарына дайындалуда. Жақын маңда, газ турбиналары мен қалдық жылу қазандықтары алаңында, мамандар металл конструкцияларға оттан қорғайтын жабын жағып, ауа қабылдау жүйелерін жинақтауда. Екінші энергоблокта жабдықтарды жоспарлы монтаждау жалғасуда.

Делегация сондай-ақ өрт сөндіру бекеті мен су дайындау цехының дайындығын тексерді. Өндірістік кеңес қорытындысы бойынша мердігерлерге барлық құрылыс, монтаж және әрлеу жұмыстарының кестелерін нақты үйлестіріп, нысандарды келесі кезеңдерге кідіріссіз дайындау тапсырылды.