![ТОО «ПГУ Туркестан» [KZ]](/upload/CAllcorp3/3b3/qa5faean8ipo8cwwrxrhq0clxz2ljgco.png "ТОО «ПГУ Туркестан» [KZ]")
«Түркістан БГҚ» Бас корпусында Siemens Energy компаниясының соңғы төртінші газ турбинасы №2 блоктың уақытша тіректеріне орнатылды. Бұл – станцияның негізгі газтурбиналық жабдығын орнатудың соңғы кезеңі.
Газ турбинасы шамамен 15 000 км жол жүрді: Гамбург портынан Африканы айналып өтіп, Оңтүстік-Шығыс Азия арқылы теңізбен Қытайдың Тяньцзинь портына дейін жеткізілді, одан кейін Қытай аумағы арқылы автокөлікпен Түркістан облысы Сайрам ауданындағы құрылыс алаңына жеткізілді.
Күрделенген геосаяси жағдай мен санкциялық шектеулерді ескере отырып, станцияның негізгі жабдығын - газ турбиналары мен генераторларын өндіруші Siemens Energy (Германия) компаниясы логистикалық сызбадан Волго-Дон кеме қатынасы каналы арқылы өтуді, сондай-ақ Суэц каналы арқылы транзитті алып тастады. 2024–2025 жылдары Қызыл теңіз бен Аден шығанағы акваториясында халықаралық сауда кеме қатынасы үшін тәуекел деңгейі жоғары болып қалды, бұл Йемендегі хуситтер қозғалысының азаматтық кемелерге қарсы жүйелі шабуылдарына байланысты.
Осы факторлардың жиынтық бағасы тәуекелі ең төмен баламалы маршрутты таңдауға алып келді: Африка құрлығын айналып өтіп, жабдықты кейіннен Қытай Халық Республикасындағы Тяньцзинь портына жеткізу. Монтаж жұмыстары Siemens Energy, Doosan Enerbility және Integra Construction KZ инженерлерінің бақылауымен жүргізілді. Станцияның «газдық өзегін» қалыптастыруды аяқтау Қазақстанның оңтүстік өңірлеріндегі электр энергиясы тапшылығын жабуға көмектесетін қуаттарды іске қосуды жақындатады.
Фотогалерея
1/4
—
