«Түркістан БГҚ» ЖШС-де жаңа Конституция аясында қызметкерлердің еңбек құқықтары талқыланды

«Түркістан БГҚ» ЖШС-де жаңа Конституция аясында қызметкерлердің еңбек құқықтары талқыланды «Түркістан БГҚ» ЖШС-де Қазақстан Республикасының жаңа Конституциясын талқылауға арналған кезекті кездесу қызметкерлердің еңбек құқықтарына, еңбек жағдайларына, әлеуметтік қорғауға және жұмыс берушінің жауапкершілігіне арналды. Негізгі баяндама жасаған Адам ресурстарын басқару департаментінің бас маманы Асхат Оразғалиев қызметкерлерді жаңартылған негізгі заңның басты нормаларымен таныстырды. Атап айтқанда, еңбек ету бостандығы, мамандықты еркін таңдау, кемсітусіз әділ еңбекақы алу, қауіпсіз еңбек жағдайлары және әлеуметтік кепілдіктер мәселелері түсіндірілді. Күнделікті жұмысқа тікелей қатысты мәселелерге де жеке назар аударылды. Қатысушылар жұмыс аптасының ұзақтығы, міндетті үзілістер, демалыс күндері, ақы төленетін еңбек демалысы, әлеуметтік сақтандыру, сондай-ақ қауіпсіз және гигиеналық еңбек жағдайларына берілетін кепілдіктерді талқылады. Кездесу ашық диалог форматында өтті. Қызметкерлер сыйақы есептеу тәртібі, жалақы төлеу және еңбек қатынастарының басқа да аспектілері бойынша сұрақтар қойды. Түсіндірмелерді Адам ресурстарын басқару департаментінің және компанияның қаржы-экономикалық блогының өкілдері берді. «Қызметкерлердің құқықтары - әрбір қызметкерге берілетін нақты кепілдіктер: қауіпсіз еңбек жағдайлары, еңбекақының уақытылы төленуі, демалу және әлеуметтік қорғау құқығы. Әр қызметкер өзінің міндеттерін ғана емес, Қазақстан Республикасының Конституциясында бекітілген құқықтарын да түсінуі маңызды», - деп атап өтті Адам ресурстарын басқару департаментінің директоры Назым Жұмабекова. Компанияда мұндай кездесулер қызметкерлерге құқықтық нормалардың кәсіпорынның күнделікті жұмысымен байланысын жақсырақ түсінуге көмектесетіні атап өтілді. Талқылаудың Халықаралық HR күні өтуі де символдық мәнге ие болып, ұжым ішіндегі ашық диалогты дамытудағы HR мамандарының рөлін айқындай түсті.