«Түркістан БГҚ» ЖШС құрылыс алаңында жұмыстарды жеделдету үшін қосымша ресурстар жұмылдрылуда

«Түркістан БГҚ» ЖШС құрылыс алаңындағы өндірістік кеңесте құрылыс-монтаж жұмыстарының ағымдағы жай-күйі, кестенің сақталуы, алаңдағы мердігер ұйымдар арасындағы өзара іс-қимыл мәселелері, сондай-ақ бір кезең екіншісіне кедергі келтірмейтіндей және негізгі учаскелердегі ресурстар барынша тиімді пайдаланылатын жұмыстарды ұйымдастыру мәселелері қаралды.

Кеңеске компания басшылығы, оның ішінде Басқарма төрағасы Ұлан Бүркітов, сондай-ақ Doosan Enerbility, Integra Construction KZ және техникалық қадағалау өкілдері қатысты. Негізгі назар станцияны уақтылы іске қосу мен қуатты энергожүйеге беруге тікелей әсер ететін жобаның сыни жолындағы нысандарға аударылды. Жоғары технологиялық тораптардың дайындығына ерекше көңіл бөлінді. Газ дайындау пунктінде отынды қоспалар мен ылғалдан көпсатылы сүзгілеуге арналған тазарту жүйесін монтаждауға дайындық жүргізілуде. Мердігерлерге қосымша ресурстар жұмылдыру, үйлестіруді күшейту және кестеден қалуды қысқарту тапсырылды.

«Бүгін біз үшін тек қарқынды арттыру ғана емес, алаңдағы барлық жұмыстардың нақты үйлестірілуін қамтамасыз ету принципті маңызды. Сыни жолдағы әрбір нысан құрылыстың басқа кезеңдерімен синхронды түрде ілгерілеуі тиіс, өйткені жобаны іске асырудың жалпы кестесі соған байланысты», – деп атап өтті «Түркістан БГҚ» ЖШС Басқарма төрағасы Ұлан Бүркітов.