Жобалар

«БГҚ 1000 МВт» жобасы

Энергетикалық болашаққа арналған мега жоба

«Түркістан облысында қуаттылығы 1000 МВт маневрлі генерациялау режимі бар құрама циклді станса негізінде электр станциясын салу» жобасы Қазақстанның энергетика саласындағы айтулы оқиға болып табылады. Электр энергиясының тапшылығының өзекті мәселелерін шешу, энергетика жүйесіндегі қуатты сақтау және зиянды заттардың шығарындыларын азайту үшін біз оңтүстік өңірде де, бүкіл елде де тұрақты энергиямен қамтамасыз ете алатын қуатты және экологиялық таза электр станциясын құрудамыз. 

Таза болашақ үшін заманауи технологиялар

Біздің жоба энергияны тиімді және экологиялық таза өндіруге мүмкіндік беретін аралас цикл технологиясын пайдалануға негізделген. Заманауи жабдықтар мен инновациялық шешімдер икемді генерация режимін қамтамасыз етеді, сондай-ақ электрмен жабдықтаудың сенімділігі мен тұрақтылығын арттырады.

Табысқа жету үшін серіктестік

Біз энергетика саласында мол тәжірибесі мен тиянақты сараптамасы бар компаниялармен жұмыс істеуді мақтан тұтамыз. Жобамызды оңтүстіккореялық DOOSAN ENERBILITY корпорациясы мен қазақстандық «BAZIS CONSTRUCTION» құрылыс компаниясы қолдап отыр.